ख-या अर्थाने अण्णांच्या निःस्वार्थीपणाचा असामान्य असा गौरव केला. असे आमुचे प्रेरणास्थान आणि या असामान्य व्यक्तीत्वाचा लाडका शिष्य श्री. नंदकुमार धोंडू मोहिते.

      अण्णांनी आपल्या लाडक्या शिष्याच्या पाठीवर प्रेरणेची थाप मारली आणि गुरूने दिलेला वसा अखंड सुरू ठेवण्याचे महान कार्य करणारा शिष्य म्हणजे गुरू-शिष्याच्या परंपरेतील एक अविस्मरणीय अशी जोडी. कोणतेही राजकीय पाठबळ नसलेले, स्वतःची अशी कोणतीही वारसाने संपत्ती लाभलेली नाही तथापि गुरूची प्रेरणा हीच संपत्ती मानून त्यांच्या पाऊलांवर आपल्या पाऊलखुणांचा ठसा उमटवत श्रमिक किसान सेवा समितीची स्थापना शिवार आंबेरे सारख्या दुर्गम खेडयातील माळरानावर जून १९९१ साली केली. ‘श्रमिकांचे प्रतिक’ म्हणून या संस्थेने श्रमिक विद्यालयाची १९ जून १९९१ ला स्थापना केली. नुकतीच २८ वर्षे संस्थेला व श्रमिक विद्यालयाला पूर्ण झाली. अतिशय ज्ञानमय वातावरणात विविध क्षेत्रातील बुद्धिवंतांच्या, मान्यवरांच्या, सावित्रीच्या मानक-यांच्या उपस्थित रौप्य महोत्सवी वर्ष पार पडले. या विद्यालयाची उत्तुंग भरारी इतिहासावर एक दृष्टिक्षेप टाकताना राज्यस्तरीय अॅथलेटीक्स क्रीडा स्पर्धांमध्ये विद्यार्थ्यांनी नैपुण्य प्राप्त केले आहे. त्याचप्रमाणे सांस्कृतिक कार्यक्रमांच्या माध्यमातून विद्यार्थी आकाशवाणी रत्नागिरी केंद्रावरील विविध उपक्रमांमध्ये सहभाग दर्शवितात त्यानंतर स्टार प्रवाह वाहीनी, सहयाद्री वाहीनी वरळी (धिना धिन धा, दम दमा दम, नृत्य मल्हार). काशीनाथ घाणेकर करंडक एकांकीका स्पर्धा, एन्. एम्. एम्. एस्. स्पर्धा परीक्षा यामधे ही विद्यार्थी विशेष गौरवास पात्र ठरले. शाळेच्या २४ बॅचेसचा विचार करता दहावीच्या निकालाची प्रतिवर्षी वृद्धी होत १०० टक्के निकालाची परंपरा विदयालयामध्ये सुरू आहे.

      गौरवशाली रत्नभूमी मध्ये शिवार आंबेरे गावी नंदकुमार मोहिते या ज्ञान दात्या सुर्याचा उदय व्हावा हे या गावचे व ग्रामस्थांचे सद्भाग्य ! हे नाव गावा पुरते सिमित न रहाता जिल्हाभर व जिल्हया बाहेरही अभिमानाने घेतेले जाते.

दिपस्तंभ उभा सागरी, मार्ग दाखवी सकलांना
वृक्ष उभे हे उन्हामध्ये छाया देती श्रमिकांना
फुले बहरली वेलीवरती, सुगंध देती पथिकांना
अखंड तेवत ‘नंदादीप’, प्रकाश देई सर्वांना ||